शेतकरी मित्रांनो केंद्र सरकारने प्रधानमंत्री किसान सन्मान निधी योजना फेब्रुवारी/मार्च 2019 मध्ये सुरू केली. या योजनेअंतर्गत पात्र शेतकऱ्यांना आर्थिक मदत म्हणून दरवर्षी 6,000 रुपये दिले जातात. ही रक्कम तीन समान हप्त्यांमध्ये (प्रत्येकी 2,000 रुपये) शेतकऱ्यांच्या बँक खात्यात थेट जमा केली जाते.
सध्या या योजनेअंतर्गत 19 हप्त्यांचे पैसे शेतकऱ्यांना मिळाले आहेत. 19 वा हप्ता बिहारमधील एका कार्यक्रमात वितरित करण्यात आला. आता, जे शेतकरी अजूनही या योजनेत सहभागी झालेले नाहीत, ते ऑनलाईन किंवा ऑफलाईन माध्यमातून नोंदणी करू शकतात. नोंदणी केलेल्या पात्र शेतकऱ्यांना 20 व्या हप्त्याचे 2,000 रुपये मिळण्याची संधी आहे.
नोंदणीसाठी आवश्यक अटी
1) अर्जदार हा लहान किंवा सीमांत शेतकरी असावा.
2) शेतकऱ्याच्या नावावर शेतीयोग्य जमीन असावी.
3) शेतकऱ्याचं नाव राज्य व केंद्र शासनाच्या अधिकृत नोंदींमध्ये असणं आवश्यक आहे.
4) आधार कार्ड, बँक खाते आणि मोबाईल क्रमांक योजनेस जोडलेले असावेत.
ऑनलाइन नोंदणी प्रक्रिया
1) https://pmkisan.gov.in या अधिकृत वेबसाइटला भेट द्या.
2) New Farmer Registration या पर्यायावर क्लिक करा.
3) तुमचा 12 अंकी आधार क्रमांक प्रविष्ट करा.
4) 10 अंकी मोबाईल क्रमांक नोंदवा.
5) राज्याची निवड करा.
6) कॅप्चा कोड आणि मोबाईलवर आलेला OTP प्रविष्ट करा.
7) आधार कार्ड, बँक पासबुक आणि जमिनीशी संबंधित कागदपत्रे अपलोड करा.
8) सर्व माहिती भरल्यानंतर Submit बटनावर क्लिक करा.
ऑफलाइन नोंदणी प्रक्रिया
जर ऑनलाईन नोंदणी शक्य नसेल, तर तुम्ही जवळच्या CSC (Common Service Center) मध्ये जाऊन अर्ज करू शकता. तेथील कर्मचारी तुमचे कागदपत्र तपासतील, पात्रता पडताळतील आणि नोंदणी पूर्ण करतील.
हप्त्यांचा लाभ अडथळ्याशिवाय मिळण्यासाठी काय करावं?
1) ही प्रक्रिया पीएम किसान पोर्टल किंवा CSC केंद्रावर केली जाऊ शकते.
2) जमीन पडताळणी आवश्यक आहे.
3) बँक खाते आधार क्रमांकाशी लिंक असणे गरजेचे आहे.
4) DBT (Direct Benefit Transfer) पर्याय सक्रिय असावा.
ह्या सर्व टप्प्यांचे पालन केल्यास तुम्हाला प्रधानमंत्री किसान सन्मान निधी योजनेचा लाभ अखंडपणे मिळू शकेल.
