मित्रांनो मराठवाड्यातील शेतकऱ्यांना पीक विमा योजनेअंतर्गत मिळणाऱ्या लाभापासून वंचित राहावे लागणार आहे. छत्रपती संभाजीनगर (औरंगाबाद), जालना आणि बीड या तीन जिल्ह्यांतील शेतकऱ्यांचे एकूण 1 लाख 10 हजार 729 पीक विमा अर्ज रद्द करण्यात आले आहेत. ही माहिती पीक विमा कंपनीच्या अहवालात समोर आली आहे.
छत्रपती संभाजीनगर जिल्ह्यात 2479 अर्ज रद्द झाले आहेत. यात पैठण तालुक्यातील 490, सिल्लोड तालुक्यातील 415, सोयगाव तालुक्यातील 328, खुलताबाद तालुक्यातील 457, फुलंब्री तालुक्यातील 205 आणि वैजापूर तालुक्यातील 264 अर्जांचा समावेश आहे.
जालना जिल्ह्यात 11,219 अर्ज रद्द करण्यात आले आहेत. यात बदनापूर तालुक्यातील 2752, जालना तालुक्यातील 2942, मंठा तालुक्यातील 2481, भोकरदन तालुक्यातील 2263 आणि जाफराबाद तालुक्यातील 597 अर्ज रद्द झाले आहेत.
बीड जिल्ह्यात सर्वाधिक 97,011 अर्ज रद्द करण्यात आले आहेत. यात गेवराई तालुक्यातील 34,258, परळी तालुक्यातील 11,142, केज तालुक्यातील 9651, अंबाजोगाई तालुक्यातील 3529, आष्टी तालुक्यातील 2643 आणि पाटोदा तालुक्यातील 3068 अर्जांचा समावेश आहे.
अर्ज रद्द होण्यामागे अपूर्ण दस्तऐवज, चुकीची माहिती किंवा तांत्रिक त्रुटी ही कारणे असावीत असे अनुमान आहे. यामुळे हजारो शेतकऱ्यांना पीक विम्याचा लाभ मिळणार नाही. प्रभावित शेतकऱ्यांनी संबंधित कृषी अधिकाऱ्यांकडे संपर्क साधून याबाबत पुनर्विचाराची मागणी करावी अशी शिफारस करण्यात येत आहे.
पीक विमा योजनेअंतर्गत अर्ज करताना सर्व माहिती योग्य पद्धतीने भरली आहे याची खात्री करून घेणे गरजेचे आहे. अधिक माहितीसाठी https://pmfby.gov.in या संकेतस्थळावर भेट द्यावी.
