नमस्कार मित्रांनो प्रसिद्ध हवामान अभ्यासक पंजाबराव डख यांनी शेतकऱ्यांसाठी आज एक महत्त्वाचा हवामान अंदाज जाहीर केला आहे. त्यांच्या अंदाजानुसार राज्यातील हवामान कोरडे राहण्याची शक्यता असून, लवकरच पुन्हा पाऊस सुरू होईल. या संदर्भात त्यांनी काही महत्त्वाचे मार्गदर्शन केले आहे.
डख यांनी 29 सप्टेंबर रोजी दिलेल्या माहितीनुसार, राज्यात 5 ऑक्टोबरपर्यंत हलक्या ते मध्यम पावसाचा अंदाज आहे. पण 6 ऑक्टोबरपासून राज्यात जोरदार पावसाची शक्यता वर्तवली आहे. त्यामुळे सोयाबीन उत्पादक शेतकऱ्यांनी सतर्क राहावे आणि हवामानाचा अंदाज लक्षात घेऊन आपले शेतीचे नियोजन करावे, असा सल्ला त्यांनी दिला आहे.
तसेच 6 ऑक्टोबरपर्यंत राज्यात हवामान उघडे राहण्याची शक्यता असून, स्थानिक वातावरणात काही बदल होऊ शकतात. या काळात भाग बदलत हलक्या पावसाची शक्यता असल्यामुळे शेतकऱ्यांनी सोयाबीन काढणी आणि मळणी करताना स्थानिक हवामानाचा विचार करून नियोजन करावे, असेही त्यांनी सांगितले आहे.
त्यांच्या अंदाजानुसार, 6 ऑक्टोबरपासून राज्यात पुन्हा जोरदार पाऊस पडण्याची शक्यता आहे. म्हणूनच, शेतकऱ्यांनी हवामानाचा अंदाज लक्षात घेऊन आपले शेतीतील कामे नीट नियोजनबद्ध पद्धतीने पार पाडावीत.
