नमस्कार मंडळी एसटी महामंडळाने ज्येष्ठ नागरिकांसाठी प्रवास सवलत आणि मोफत प्रवासासंदर्भात काही नियम ठरवले आहेत. यासंदर्भातील महत्त्वाची माहिती पुढीलप्रमाणे आहे:
ज्या ज्येष्ठ नागरिकांचे वय 65 ते 75 वर्षे आहे, त्यांना एसटीच्या सर्व प्रकारच्या बसमध्ये 50 टक्के सवलत दिली जाते. तसेच 75 वर्षे व त्यावरील वयोमर्यादेतील नागरिकांनामोफत प्रवासाची सुविधा उपलब्ध आहे.
मोफत किंवा सवलतीच्या प्रवासाचा लाभ घेण्यासाठी प्रवाशांकडे ओळखपत्र आवश्यक आहे. ओळखपत्र नसल्यास सवलतीचा लाभ नाकारला जाऊ शकतो. ओळखपत्र म्हणून खालील कागदपत्रे ग्राह्य धरली जातात:
- आधार कार्ड
- मतदान ओळखपत्र
- पासपोर्ट
- वाहन चालवण्याचा परवाना
- पॅन कार्ड
- तहसीलदार किंवा सरकारी अधिकाऱ्यांनी दिलेले ओळखपत्र
- एसटी महामंडळाने दिलेले स्मार्ट कार्ड
- सेवानिवृत्ती प्रमाणपत्र
प्रवासादरम्यान अनेकदा आधार कार्ड सोबत नसल्यास पर्यायी ओळखपत्रे दाखवण्याची परवानगी दिली आहे. डिजी लॉकरसारख्या डिजिटल साधनांचा वापर करून कागदपत्रे सादर केली तरी ती मान्य केली जातील.
महामंडळाने 4 डिसेंबर 2024 रोजी नवीन आदेश काढून प्रवास सवलतीसाठी कागदपत्रांची यादी जाहीर केली आहे. त्यामुळे ज्येष्ठ नागरिकांनी प्रवासादरम्यान आवश्यक कागदपत्रे सोबत ठेवावीत.
एसटी महामंडळाने दिलेल्या या सुविधेचा लाभ घेताना नियमांची पूर्तता करणे महत्त्वाचे आहे. यामुळे प्रवास सोयीस्कर आणि वादविवादविरहित होऊ शकतो.
