शेतकरी बांधवांनो आपल्या शेतीसाठी महत्त्वाची एक योजना सरकारने उपलब्ध करून दिली आहे. या योजनेद्वारे शेतकऱ्यांना 100% अनुदानावर 5 एचपी क्षमतेचा सोलर पंप देण्यात येणार आहे. तसेच नवीन सिंचन विहीर उभारणीसाठीही आर्थिक मदत मिळणार आहे. राज्य सरकारने या योजनेसाठी शासन निर्णय जारी केला आहे. या लेखात आपण या योजनेची सविस्तर माहिती, अर्ज कसा करायचा, आवश्यक कागदपत्रे आणि पात्रता याविषयी जाणून घेणार आहोत.
योजनेचा उद्देश
- अनुसूचित जमातीतील शेतकऱ्यांना सिंचनाची सुविधा पुरवून शाश्वत कृषी विकास साधणे.
- शेतकऱ्यांचे उत्पन्न वाढवण्यासाठी सोलर पंपाच्या साहाय्याने शेती सिंचनाची सोय करणे.
- वनपट्टा धारक आदिवासी शेतकऱ्यांना प्रोत्साहन देऊन त्यांना शेतीसाठी पाणीपुरवठा सुलभ करणे.
योजनेच्या वैशिष्ट्ये
1) सोलर पंप: 5 एचपी सोलर पंप 100% अनुदानावर प्रदान.
2) नवीन सिंचन विहीर: विहीर बांधकामासाठी 3 लाख रुपये अनुदान.
3) सोलर पॅनल: 5 एचपी पंपासाठी 3.25 लाख रुपये अनुदान.
पात्रता व अटी
1) लाभार्थी अनुसूचित जमातीतील शेतकरी असणे आवश्यक.
2) शेतकऱ्यांकडे वनपट्टा असल्याचा पुरावा आवश्यक.
3) अर्जदाराने यापूर्वी आदिवासी विकास विभागामार्फत या योजनेचा लाभ घेतलेला नसावा.
4) सिंचनासाठी प्रस्तावित ठिकाणी पाण्याची उपलब्धता भूजल सर्वेक्षणाद्वारे सिद्ध असावी.
5) विधवा महिला, अपंग व्यक्ती आणि अन्य विशेष गटांना प्राधान्य दिले जाईल.
आवश्यक कागदपत्रे
1) रहिवासी प्रमाणपत्र
2) जातीचा दाखला
3) वनपट्टा प्रमाणपत्र (Forest Rights Certificate)
4) पाणी उपलब्धतेचे भूजल सर्वेक्षण प्रमाणपत्र
5) योजनेसाठी पूर्वी लाभ न घेतल्याचे प्रमाणपत्र
ऑनलाइन अर्ज कसा भरायचा?
1) संबंधित अधिकृत पोर्टलवर जा.
2) सोलर पंप योजना 2024 या पर्यायावर क्लिक करा.
3) आवश्यक माहिती भरा आणि मागितलेली कागदपत्रे अपलोड करा.
4) अर्ज सबमिट केल्यानंतर प्राप्ती रसीद डाउनलोड करा.
टीप: शासन निर्णय आणि अर्जाचे नमुने अधिकृत पोर्टलवर उपलब्ध आहेत. या योजनेचा लाभ घेण्यासाठी अर्ज तातडीने भरा.
