Punyashlok Ahilyadevi Holkar Women Startup Scheme : पंतप्रधान नरेंद्र मोदी काल २० सप्टेंबर ला वर्धा जिल्ह्याच्या दौऱ्यावर गेले होते. सकाळी ११:३० च्या सुमारास पीएम मोदी राष्ट्रीय ‘पीएम विश्वकर्मा’ कार्यक्रमात सहभागी झाले. यादरम्यान पंतप्रधानांनी ‘पुण्यश्लोक अहिल्याबाई होळकर महिला स्टार्टअप योजना’ सुरू केली.
महिला सक्षमीकरणाच्या दिशेने आणखी एक पाऊल टाकत पंतप्रधान मोदींनी ‘पुण्यश्लोक अहिल्यादेवी होळकर महिला स्टार्टअप योजना’ही सुरू केली आहे. या पंतप्रधान मोदींनी महाराष्ट्र सरकारच्या ‘आचार्य चाणक्य कौशल्य विकास केंद्र’ योजनेचा शुभारंभही केला. यामध्ये १५ ते ४५ वयोगटातील तरुणांना प्रशिक्षण देण्यासाठी राज्यभरातील नामांकित महाविद्यालयांमध्ये कौशल्य विकास प्रशिक्षण केंद्रे उघडण्यात येणार आहेत. या अंतर्गत दरवर्षी राज्यभरातील सुमारे १,५०,००० तरुणांना मोफत कौशल्य विकास प्रशिक्षण मिळणार आहे.
एकनाथ शिंदे यांची मोठी घोषणा : राशनकार्ड धारकांना मिळेल ९००० रुपये, पहा कोण आहेत पात्र
महिला स्टार्टअप योजना काय आहे?
या योजनेंतर्गत, महिलांच्या नेतृत्वाखालील स्टार्टअप्सना सुरुवातीच्या टप्प्यात आर्थिक मदत दिली जाईल. याअंतर्गत पात्र महिलांना २५ लाख रुपयांपर्यंतची आर्थिक मदत दिली जाणार आहे.
पुण्यश्लोक अहिल्याबाई होळकर महिला स्टार्टअप योजनेंतर्गत एकूण तरतुदींपैकी २५ टक्के रक्कम मागासवर्गीय आणि आर्थिकदृष्ट्या दुर्बल घटकातील महिलांसाठी राखीव ठेवण्यात येणार आहे. यामुळे महिलांच्या नेतृत्वाखालील स्टार्टअप वाढण्यास आणि स्वावलंबी होण्यास मदत होईल.
SBI FD Scheme : जमा करा १० हजार आणि मिळवा ८ लाख रुपये
लाभ कोणाला आणि कसा मिळणार?
या योजनेंतर्गत लाभ मिळविण्यासाठी, स्टार्टअपला केंद्र सरकारच्या उद्योग आणि अंतर्गत व्यापार प्रोत्साहन विभागाची मान्यता आणि महाराष्ट्रात नोंदणीकृत असणे आवश्यक आहे. त्या स्टार्टअपमध्ये महिला संस्थापक किंवा सह-संस्थापकाचा किमान ५१ टक्के हिस्सा असावा.
ते स्टार्टअप किमान एक वर्ष स्त्रीच्या नेतृत्वाखाली कार्यरत राहिले पाहिजे. या कालावधीत वार्षिक उलाढाल १० लाख ते १० कोटी रुपये असावी. महिलांच्या नेतृत्वाखालील स्टार्टअपला राज्य सरकारच्या कोणत्याही योजनेचा आर्थिक लाभ मिळाला नसावा. अधिकृत वेबसाइटवर जाऊन या योजनेसाठी ऑनलाइन अर्ज विनामूल्य करता येईल.
