पीएम किसान योजनेचा हप्ता लवकरच होणार जमा , तत्पूर्वी करा हे काम !

मंडळी प्रधानमंत्री किसान सन्मान निधी योजना (PM Kisan Sanman Nidhi Yojana) ही भारत सरकारची एक महत्वाची योजना आहे, ज्याद्वारे शेतकऱ्यांना दरवर्षी ६,००० रुपयांची आर्थिक मदत दिली जाते. या योजनेच्या अंतर्गत १९ व्या हप्त्याचे वितरण २४ फेब्रुवारी रोजी होणार आहे. यासाठी शेतकऱ्यांनी ई-केवायसी (e-KYC) आणि जमिनीची पडताळणी केली असावी, अन्यथा त्यांना हप्ता मिळणार नाही.

शासनाने या योजनेचा लाभ योग्य शेतकऱ्यांपर्यंत पोहोचवण्यासाठी नियमांमध्ये अधिक कठोरता आणली आहे. ई-केवायसी आणि जमीन पडताळणी न केल्यास संबंधित शेतकऱ्यांना पुढील हप्ता मिळणार नाही. त्यामुळे शेतकऱ्यांना सरकारने त्वरित या प्रक्रिया पूर्ण करण्याचे आवाहन केले आहे. तसेच, या योजनेसाठी अपात्र असलेल्या व्यक्तींनी याचा गैरफायदा घेतल्याच्या तक्रारी आल्यामुळे केंद्र सरकारने तपासणी प्रक्रिया अधिक काटेकोर केली आहे. त्यामुळे फक्त पात्र शेतकऱ्यांना लवकरात लवकर प्रक्रिया पूर्ण करणे अत्यंत महत्त्वाचे आहे.

ई-केवायसी कशी करावी?

ऑनलाइन पद्धत – प्रधानमंत्री किसान सन्मान निधीच्या अधिकृत वेबसाइटवर जाऊन शेतकरी स्वतः ई-केवायसी प्रक्रिया पूर्ण करू शकतात.

ऑफलाइन पद्धत – शेतकऱ्यांना सीएससी सेंटर (CSC Center) मध्ये जाऊन बायोमेट्रिक प्रमाणीकरण करून ई-केवायसी पूर्ण करता येईल.

त्यानुसार देशभरातील शेतकरी १९ व्या हप्त्याच्या वितरणाची प्रतिक्षा करत आहेत. परंतु, जर त्यांनी ई-केवायसी आणि जमीन पडताळणी पूर्ण न केली, तर त्यांना हा हप्ता बँक खात्यात जमा होणार नाही. म्हणून, सर्व शेतकऱ्यांनी लवकरात लवकर आवश्यक प्रक्रिया पूर्ण करावी, जेणेकरून त्यांना कोणत्याही अडचणी शिवाय या योजनेचा लाभ मिळू शकेल.