नमस्कार मित्रांनो राज्यभरातील शेतकऱ्यांसाठी एक आनंदाची बातमी आहे. महाराष्ट्र सरकारने राज्यातील 64 लाख शेतकऱ्यांसाठी एक महत्त्वाचा निर्णय घेतला आहे. आता 2555 कोटी रुपयांचा विमा भरपाई थेट शेतकऱ्यांच्या बँक खात्यात जमा केला जाणार आहे. यासाठी विमा कंपन्यांना थकीत राज्य हिस्सा अनुदान म्हणून 2852 कोटी रुपये वाटप करण्याची मंजुरी सरकारने दिली आहे.
पिक विमा भरपाई थेट बँक खात्यात
शेतकऱ्यांना मागील हंगामातील प्रलंबित भरपाई थेट त्यांच्या आधार-लिंक बँक खात्यात जमा केली जाईल. विमा कंपन्यांना या प्रक्रियेला तातडीने पूर्ण करण्याचे निर्देश देण्यात आले आहेत. कृषी मंत्री माणिकराव कोकाटे यांनी सांगितले की, शेतकऱ्यांना थेट आणि वेगाने लाभ मिळेल.
विमा भरपाई वितरण
महाराष्ट्रात 2022 च्या खरीप हंगामासाठी 181 कोटी रुपये, 2022-23 च्या रब्बी हंगामासाठी 63.14 कोटी रुपये आणि 2023-24 च्या रब्बी हंगामासाठी 63.14 कोटी रुपये विमा भरपाई दिली जाणार आहे. 2024 च्या खरीप हंगामासाठी 2308 कोटी रुपये शेतकऱ्यांना वितरित केले जाणार आहेत. एकूण 64 लाख शेतकऱ्यांना 2555 कोटी रुपयांची भरपाई मिळणार आहे.
शेतकऱ्यांना दिलासा
या निर्णयामुळे शेतकऱ्यांना मोठा दिलासा मिळणार आहे, अशी माहिती कृषी मंत्री माणिकराव कोकाटे यांनी दिली आहे. सरकारने विमा कंपन्यांना निधी वितरित केला आहे आणि भरपाई रक्कम तातडीने शेतकऱ्यांच्या खात्यात जमा केली जाईल.
पिक विमा कसा तपासायचा?
शेतकऱ्यांना पिक विमा मिळाला की नाही हे तपासण्यासाठी, त्यांना https://pmfby.gov.in/ या अधिकृत वेबसाईटवर जाऊन आपली माहिती तपासावी लागेल.