नमस्कार मित्रांनो राज्यात अतिवृष्टीमुळे खरिप हंगामातील पिकांचे मोठ्या प्रमाणावर नुकसान झाले आहे. त्यामुळे अनेक शेतकऱ्यांना पिकविम्याच्या रकमेची प्रतीक्षा लागून आहे. सध्या पिकविमा वाटप सुरु झाले असून, तुमचा पिकविमा मंजूर झाला आहे का, हे तुम्ही तुमच्या मोबाईलवरून सहज ऑनलाईन तपासू शकता.
यासाठी सर्वप्रथम मोबाईलमधून pmfby ही वेबसाईट सर्च करा. त्या वेबसाईटवर Farmer Corner या पर्यायावर क्लिक करा आणि त्यानंतर Login Farmer या पर्यायावर क्लिक करा. आता तुमचा मोबाईल नंबर आणि खाली दिलेला कॅप्चा टाका. त्यानंतर Request OTP या पर्यायावर क्लिक करा. जर त्या मोबाईल नंबरवरून एकापेक्षा जास्त पिकविमा अर्ज केलेले असतील, तर तुम्हाला आधार क्रमांक टाकावा लागेल.
त्यानंतर तुम्हाला मोबाईलवर OTP येईल, तो टाका आणि Submit करा. लॉगिन झाल्यावर वर्ष आणि हंगाम निवडा. त्यानंतर तुमच्या नावावर असलेल्या सर्व पॉलिसीज दिसतील. त्यापैकी माहिती पाहायच्या पॉलिसीवर क्लिक करा. पुढे तुम्हाला त्या पॉलिसीच्या क्लेमची स्थिती दाखवली जाईल.
View Status वर क्लिक केल्यावर पिकविमा मंजूर आहे का, किती रक्कम मंजूर झाली आहे, कोणत्या पिकासाठी किती मिळाले, रक्कम कधी जमा झाली याची संपूर्ण माहिती दिसेल.
अशा प्रकारे तुम्ही घरबसल्या, मोबाईलच्या सहाय्याने पिकविमा मंजूर आहे की नाही, हे सहज तपासू शकता.
शेतकरी मित्रांनो, दररोजचे बाजारभाव, हवामान अंदाज, शेतीविषयक महत्त्वाच्या बातम्या, नवीन योजना आणि सरकारी निर्णय मिळवण्यासाठी आमच्या व्हॉट्सअ‍ॅप ग्रुपमध्ये सामील व्हा. ही माहिती इतर शेतकरी बांधवांनाही जरूर शेअर करा. धन्यवाद.
