महायुतीचे खातेवाटप सुरु , पहा कोणाला कोणते खाते मिळाले ?

मंडळी आज नागपूर येथील हिवाळी अधिवेशनाचा शेवटचा दिवस आहे. याच दरम्यान महायुती सरकारच्या मंत्रिमंडळातील खातेवाटप अखेर जाहीर करण्यात आले आहे. मुख्यमंत्री देवेंद्र फडणवीस यांच्या नेतृत्वाखालील सरकार स्थापनेस पंधरा दिवस झाले, तरी खातेवाटप न झाल्यामुळे सध्या सरकारवर प्रश्नचिन्ह उपस्थित होते. हिवाळी अधिवेशनात, खातेवाटप जाहीर होण्यापूर्वी अनेक मंत्री विधीमंडळात कोणत्याही पदभाराशिवाय हजर होते, ज्यावर विरोधकांनी जोरदार टीका केली होती.

मंत्रिमंडळात बदल आणि खातेवाटप

23 नोव्हेंबरला विधानसभा निवडणुकीचा निकाल लागला, आणि 5 डिसेंबर रोजी मुख्यमंत्री फडणवीस आणि उपमुख्यमंत्र्यांचा शपथविधी झाला. यानंतर, 15 डिसेंबर रोजी 39 मंत्र्यांची शपथ घेतली गेली. आता, मंत्र्यांच्या शपथविधीनंतर सहा दिवसांनी खातेवाटप जाहीर झाले आहे. यामुळे महायुतीमध्ये सर्व काही आलबेल नसल्याच्या चर्चांना चोख प्रत्युत्तर मिळालं आहे.

महायुती मंत्रिमंडळाच्या खातेवाटपाची यादी

1) मुख्यमंत्री देवेंद्र फडणवीस – गृह, ऊर्जा, न्याय व विधी, सामान्य प्रशासन, माहिती व प्रसारण.
2) उपमुख्यमंत्री एकनाथ शिंदे – ग्रामविकास मंत्रालय, गृहनिर्माण, सार्वजनिक बांधकाम विभाग.
3) उपमुख्यमंत्री अजित पवार – अर्थ व नियोजन, राज्य उत्पादन शुल्क.
4) चंद्रशेखर बावनकुळे – महसूल.
5) राधाकृष्ण विखे पाटील – जलसंधारण (गोदावरी व कृष्णा खोरे विकास).
6) हसन मुश्रीफ – वैद्यकीय शिक्षण.
7) चंद्रकात पाटील – उच्च व तंत्रशिक्षण, संसदीय कामकाज मंत्री.
8)गिरीश महाजन – जलसंधारण (विदर्भ, तापी, कोकण विकास), आपत्ती व्यवस्थापन.
9) गणेश नाईक – पर्यटन.
10) गुलाबराव पाटील – पाणीपुरवठा.
11) दादा भुसे – शालेय शिक्षण.
12) संजय राठोड – माती व पाणी परीक्षण.
13) धनंजय मुंडे – अन्न व नागरी पुरवठा आणि ग्राहक संरक्षण.
14) मंगलप्रभात लोढा – कौशल्य विकास, रोजगार, उद्योग व संशोधन.
15) उदय सामंत – उद्योग आणि मराठी भाषा.
16) जयकुमार रावल – मार्केटिंग आणि प्रोटोकॉल.
17) पंकजा मुंडे – पर्यावरण आणि हवामान बदल, एनिमल हसबंडरी.
18) अतुल सावे – ओबीसी, डेअरी विकास आणि रिन्युएबल एनर्जी.
19) अशोक उईके – आदिवासी विकास मंत्रालय.
20) शंभूराज देसाई – पर्यटन, खाण व स्वातंत्र्य सैनिक कल्याण मंत्रालय.
21) आशिष शेलार – माहिती व तंत्रज्ञान.
22).दत्तात्रय भरणे – क्रीडा व अल्पसंख्याक विकास व औकाफ मंत्रालय.
23) अदिती तटकरे – महिला व बालविकास.
24) शिवेंद्रराजे भोसले – सार्वजनिक बांधकाम.
25) माणिकराव कोकाटे – कृषी.
26) जयकुमार गोरे – ग्रामविकास, पंचायत राज.
27) नरहरी झिरवाळ – अन्न व औषध प्रशासन.
28) संजय सावकारे – कापड.
29).संजय शिरसाट – सामाजिक न्याय.
30) प्रताप सरनाईक – वाहतूक.
31) भरत गोगावले – रोजगार हमी, फलोत्पादन.
32) मकरंद पाटील – मदत व पुनर्वसन.
33) नितेश राणे – मत्स्य आणि बंदरे.
34) आकाश फुंडकर – कामगार.
35) बाबासाहेब पाटील – सहकार.
36) प्रकाश आबिटकर – सार्वजनिक आरोग्य आणि कुटुंब कल्याण.

राज्यमंत्रींच्या पोर्टफोलिओस

1) माधुरी मिसाळ – सामाजिक न्याय, अल्पसंख्याक विकास व औकाफ मंत्रालय, वैद्यकीय शिक्षण.
2) आशिष जयस्वाल – अर्थ आणि नियोजन, विधी व न्याय.
3) मेघना बोर्डीकर – सार्वजनिक आरोग्य, कुटुंब कल्याण, पाणी पुरवठा.
4) इंद्रनील नाईक – उच्च आणि तंत्र शिक्षण, आदिवासी विकास आणि पर्यटन.
5) योगेश कदम – गृहराज्य शहर.
6) पंकज भोयर – गृहनिर्माण.

या खातेवाटपामुळे महायुती सरकारचे कार्य अधिक स्पष्ट झाले आहे आणि ते आगामी काळात अधिक गतिमान होईल अशी आशा आहे.