Kadba Kutti Machine : मित्रांनो शेतकऱ्यांसाठी शासनाकडून विविध योजनांच्या माध्यमातून मदत केली जाते. त्यामध्ये ठिबक सिंचन, तुषार सिंचन, सोलर पंप, अनुदानावर बी-बियाणे वाटप आणि विविध कृषी उपकरणांवर अनुदान दिले जाते. याच पार्श्वभूमीवर कडबा कुटी मशीन खरेदीसाठीही शासनाने अनुदान योजना सुरू केली आहे.
ही योजना मुख्यता पशुपालन करणाऱ्या शेतकऱ्यांसाठी उपयुक्त आहे. गुरे-ढोरे, गायी-म्हशी, शेळ्या यांना चारा पुरवण्यासाठी कडबा कुटी मशीन उपयोगी ठरते. यामुळे चारा कापण्याचे काम सोपे, वेगवान आणि श्रमबचत करणारे होते.
कडबा कुटी मशीनसाठी अनुदान किती मिळते?
शासनाकडून शेतकऱ्यांना कडबा कुटी मशीनसाठी २०,००० रुपयांपर्यंतचे अनुदान दिले जाते. अनुसूचित जाती-जमाती, महिला शेतकरी तसेच अल्पभूधारक आणि अत्यल्प भूधारक शेतकऱ्यांना या योजनेत ५०% अनुदान किंवा २०,००० रुपयांपर्यंतची मदत मिळते.
बाजारात कडबा कुटी मशीनची किंमत १०,००० रुपयांपासून ४०,००० रुपयांपर्यंत असते. ही मशीन दोन प्रकारात उपलब्ध आहेत – मॅन्युअल मशीन आणि ऑटोमॅटिक मशीन. मॅन्युअल मशीन स्वस्त असते, तर ऑटोमॅटिक मशीन महाग असते कारण त्यामध्ये इलेक्ट्रिक मोटर बसवलेली असते.
कडबा कुटी मशीनसाठी अर्ज करताना कोणती कागदपत्रे लागतात?
शेतकऱ्यांनी अर्जासोबत खालील कागदपत्रे जोडणे आवश्यक आहे –
- आधार कार्ड
- बँक पासबुकची झेरॉक्स
- जातीचा दाखला (लागू असल्यास)
- सातबारा उतारा
- 8-अ उतारा
- शेतातील पिकांची माहिती
- मशीन खरेदीचे GST बिल, कोटेशन, हमीपत्र, करारनामा (लॉटरीद्वारे निवड झाल्यानंतर)
कडबा कुटी मशीनसाठी ऑनलाईन अर्ज कसा करावा?
शेतकऱ्यांनी Mahadbt Farmer Portal (महाडीबीटी शेतकरी पोर्टल) वर जाऊन अर्ज करावा.
यासाठी अर्जदाराने महाडीबीटी पोर्टलवर नोंदणी करून आवश्यक कागदपत्रे अपलोड करावीत. अर्ज सादर केल्यानंतर लॉटरी पद्धतीने निवड केली जाते. निवड झाल्यास कृषी अधिकारी व सहाय्यक यांच्याकडून पडताळणी केली जाईल. त्यानंतर संबंधित शेतकऱ्याच्या बँक खात्यात अनुदान जमा केले जाईल.
कडबा कुटी मशीन अनुदान योजना शेतकऱ्यांसाठी फायदेशीर असून, यामुळे चारा व्यवस्थापन सोपे व जलदगतीने करता येते. इच्छुक शेतकऱ्यांनी Mahadbt पोर्टलवर अर्ज भरावा आणि शासनाच्या या योजनेचा लाभ घ्यावा. अधिक माहितीसाठी आपल्या तालुक्यातील कृषी विभागाशी संपर्क साधावा.
