मंडळी सध्या महागाईचा भार सर्वसामान्यांच्या खिशावर मोठ्या प्रमाणात जाणवतो आहे. जीवनावश्यक वस्तूंप्रमाणेच मोबाईल रिचार्जचे दर देखील वाढले आहेत. प्रत्येक महिन्याला मोबाईल रिचार्जसाठी खर्च करणे सर्वसामान्यांसाठी अधिकच कठीण होत चालले आहे. अशा परिस्थितीत रिलायन्स जिओने एक अत्यंत परवडणारा आणि चर्चेचा डेटा प्लॅन सादर केला आहे.
जिओचा फक्त 26 रुपयांचा डेटा पॅक – काय मिळतंय?
जिओने सादर केलेला 26 रुपयांचा प्लॅन एक डेटा पॅक आहे. या प्लॅनमध्ये कॉलिंग किंवा एसएमएसची सुविधा मिळत नाही, मात्र 2GB 4G हाय-स्पीड डेटा दिला जातो. डेटा संपल्यानंतर इंटरनेटचा स्पीड 64 Kbps इतका मर्यादित होतो. विशेष म्हणजे या प्लॅनची वैधता तब्बल 28 दिवसांची आहे, जी इतर कोणत्याही टेलिकॉम कंपनीच्या तुलनेत फारच आकर्षक आहे.
हा प्लॅन कोणासाठी उपयुक्त?
हा प्लॅन विशेषता Jio Phone वापरकर्त्यांसाठी फायदेशीर आहे. अनेक वेळा कमी डेटा असलेल्या प्लॅनमध्ये कॉलिंगसाठी पुरेसा इंटरनेट डेटा राहत नाही. अशा वेळी हा स्वतंत्र डेटा पॅक उपयोगी पडतो. याशिवाय तुमच्याकडे कोणताही Jio प्रीपेड प्लॅन सुरू असेल आणि डेटा संपला असेल, तरी तुम्ही हा 26 रुपयांचा पॅक रिचार्ज करून दोन जीबी अतिरिक्त डेटा घेऊ शकता – तेही संपूर्ण 28 दिवसांसाठी.
Airtel आणि Vodafone Idea यापुढे टिकू शकतात का?
एअरटेल आणि व्होडाफोन आयडिया हे दोघेही 26 रुपयांच्या प्लॅनमध्ये फक्त 1.5GB डेटा देतात आणि तोदेखील फक्त 1 दिवसासाठीच वैध असतो. त्या तुलनेत जिओचा प्लॅन डेटा आणि वैधतेच्या बाबतीत दोन्ही पातळ्यांवर अधिक फायदेशीर आहे.
हा प्लॅन कसा रिचार्ज कराल?
हा 26 रुपयांचा डेटा पॅक तुम्ही Jio च्या अधिकृत वेबसाईटवर (Jio.com), MyJio App वरून किंवा PhonePe, Google Pay, Paytm यांसारख्या UPI एप्सच्या माध्यमातून सहज रिचार्ज करू शकता. डेबिट कार्ड, क्रेडिट कार्ड, UPI किंवा Jio POS द्वारेही रिचार्ज करता येतो.
जिओचा हा प्लॅन विद्यार्थ्यांसाठी, ग्रामीण भागातील नागरिकांसाठी, कामगार वर्गासाठी आणि वृद्धांसाठी अत्यंत उपयुक्त ठरतो. व्हिडिओ बघणे, WhatsApp वापरणे, गाणी ऐकणे यासाठी हा डेटा पुरेसा ठरतो आणि कमी खर्चात चांगला पर्याय देतो.
