नवरात्रीच्या सहाव्या दिवशी देशातील सराफा बाजारामध्ये महत्वाच्या घडामोडी घडल्या. सणासुदीच्या काळामध्ये सोने-चांदीच्या दरात मोठी चढउतार पाहायला मिळत आहे. आज आपण सोने-चांदीच्या बाजारातील घडणाऱ्या महत्त्वपूर्ण बदलांविषयी सविस्तर माहिती घेऊया.
सध्याची बाजारातील परीस्थिती बघायची झाल्यास आठवड्याच्या दुसऱ्या दिवशी सोन्याच्या दरामध्ये लक्षणीय घसरण नोंदवली गेली होती. मल्टी कमोडिटी एक्सचेंज (MCX) वर सोन्याचा भाव सुमारे 220 रुपयांनी घसरला. 24 कॅरेट सोन्याचा भाव 7,761 रुपये प्रति ग्रॅमपर्यंत घसरला आहे, तर 22 कॅरेट सोन्याच्या भावात 200 रुपयांची घसरण होऊन 7,116 रुपये प्रति ग्रॅमवर स्थिर झाला आहे. मागील आठवड्याच्या तुलनेमध्ये 24 कॅरेट सोन्यामध्ये 0.99% इतकी घसरण झाली आहे, मागील महिन्याच्या तुलनेत ही घट 5.63% इतकी आहे.
चांदीच्या बाजारामध्ये मोठी हालचाल
चांदीच्या किंमतीतही मोठी घसरण बघायला मिळाली. एका दिवसात चांदीच्या भावात तब्बल एक हजार रुपयांची घसरण झाली आहे. चांदीचा भाव 91,400 रुपये प्रति किलो इतका झाला आहे. गेल्या दिवशी हाच दर 92,357 रुपये इतका होता, म्हणजेच एका दिवसामध्ये 1.04% इतकी घसरण झाली आहे.
आंतरराष्ट्रीय बाजाराचा प्रभाव
जागतिक बाजारपेठेतील घडामोडींचा थेट परिणाम भारतीय बाजारावर बघायला मिळत आहे. अमेरिकन डॉलरच्या मजबुतीमुळे आंतरराष्ट्रीय बाजारामध्ये सोन्याचे दर 10 डॉलरने घसरून 2,670 डॉलरवर आले आहेत. चांदीच्या किंमतीतही 32 डॉलरची घसरण झाली आहे. मुंबई बाजारपेठेमध्ये 24 कॅरेट सोन्याचा दर 77,467 रुपये प्रति तोळा इतका झाला आहे, तर 22 कॅरेट सोन्याचा भाव 71,150 रुपये प्रति तोळा इतका आहे.
सोमवारच्या व्यवहारामध्ये सोन्याच्या दरात अस्थिरता दिसून येत आहे, शुक्रवारपर्यंत सोन्याचे दर हे विक्रमी उच्चांकावर होते. या उलथापालथीमागील मुख्य कारण म्हणजे देशांतर्गत किरकोळ सोने विक्रेत्यांकडून सोन्याची वाढलेली मागणी व शेअर बाजारातील झालेली घसरण. बाजार विश्लेषकांच्या नुसार , गुंतवणूकदार आता सुरक्षित गुंतवणुकीसाठी सोन्याकडे वळताना दिसत आहेत.
गुंतवणूकदारांसाठी संधी
सध्याची बाजारातील परीस्थिती गुंतवणूकदारांसाठी फायद्याची ठरू शकते. मुख्य म्हणजे दीर्घकाळासाठी गुंतवणूक करू इच्छिणाऱ्यांसाठी ही सुवर्णसंधी ठरू शकते. मात्र काही तज्ज्ञांच्या मते, गुंतवणूक करताना बाजारातील घडामोडींचे सूक्ष्म निरीक्षण करणे गरजेचे आहे.
