मंडळी सोन्या-चांदीच्या दरात गेल्या आठवड्यात मोठी घसरण झाली आहे. इंडिया बुलियन अँड ज्वेलर्स असोसिएशनच्या माहितीनुसार, 14 डिसेंबर रोजी सोन्याचा दर प्रति 10 ग्रॅम 76,922 रुपये होता, जो 21 डिसेंबर रोजी घसरून 75,377 रुपये झाला आहे. यामुळे सोन्याचा दर 1,545 रुपयांनी कमी झाला आहे.
चांदीच्या किमतीतही मोठी घसरण पाहायला मिळाली. 14 डिसेंबर रोजी चांदीचा दर प्रति किलो 89,976 रुपये होता, जो आता 85,133 रुपये झाला आहे. यामुळे चांदीच्या दरात 4,843 रुपयांची घसरण झाली आहे.
याआधी 23 ऑक्टोबर रोजी चांदीने 99,151 रुपये प्रति किलोचा उच्चांक गाठला होता, तर 30 ऑक्टोबर रोजी सोन्याचा दर 79,681 रुपये प्रति 10 ग्रॅम इतका सर्वोच्च होता.
राजधानी दिल्लीमध्ये 10 ग्रॅम 22 कॅरेट सोन्याचा दर 71,150 रुपये असून 24 कॅरेट सोन्याचा दर 77,600 रुपये आहे. मुंबईत 22 कॅरेट सोन्याचा दर 71,000 रुपये आणि 24 कॅरेट सोन्याचा दर 77,450 रुपये आहे. कोलकातामध्ये 22 कॅरेट सोनं 71,000 रुपये प्रति 10 ग्रॅम आणि 24 कॅरेट सोनं 77,450 रुपये प्रति 10 ग्रॅम आहे.
सोन्या-चांदीच्या किमतींतील या घसरणीमुळे गुंतवणूकदारांच्या हालचालींवर परिणाम होण्याची शक्यता आहे.
