नमस्कार महाराष्ट्र सरकारने महिलांच्या सक्षमीकरणासाठी आणि त्यांना स्वावलंबी बनवण्यासाठी अनेक योजना सुरू केल्या आहेत. यामध्ये मोफत पिठाची गिरणी योजना महिलांना रोजगाराच्या संधी उपलब्ध करून देण्यासाठी राबवण्यात आली आहे. ही योजना ग्रामीण आणि आर्थिकदृष्ट्या दुर्बल महिलांसाठी एक संधी निर्माण करते, ज्यामुळे त्या स्वतःचा व्यवसाय सुरू करू शकतात आणि आपल्या कुटुंबाचा आर्थिक स्तर उंचावू शकतात.
योजनेचा उद्देश
1) महिलांना आर्थिकदृष्ट्या सक्षम बनवून स्वयंपूर्ण भारताचे उद्दिष्ट गाठणे.
2) विशेषता ग्रामीण भागातील महिलांसाठी रोजगाराच्या नवीन संधी निर्माण करणे.
3) महिला उद्योजकतेला चालना देऊन कुटुंबाची आर्थिक स्थिती सुधारणे.
योजनेच्या प्रमुख वैशिष्ट्या
- शंभर टक्के अनुदानावर गिरणी उपलब्ध: महिलांना गिरणी खरेदीसाठी कोणताही खर्च करावा लागत नाही.
- घरी व्यवसाय करण्याची संधी : महिलांना घरीच व्यवसाय सुरू करण्यासाठी प्रोत्साहन.
- प्रशिक्षण आणि तांत्रिक सहाय्य : गिरणी वापरण्याचे प्रशिक्षण आणि आवश्यक मार्गदर्शन दिले जाते.
- प्राधान्य गट : विधवा, परित्यक्ता, आणि आर्थिकदृष्ट्या दुर्बल महिलांना विशेष प्राधान्य.
पात्रता
- महिला अर्जदार : या योजनेसाठी फक्त महिलाच पात्र आहेत.
- ग्रामिण महिलांना प्राधान्य : विशेषता ग्रामीण आणि आर्थिक दृष्ट्या दुर्बल महिलांना लाभ दिला जातो.
- आर्थिक स्थिती : कुटुंबाचे वार्षिक उत्पन्न ₹1 ते ₹2.5 लाखांच्या मर्यादेत असावे.
- स्वयं-सहायता गटाची सदस्यता : अर्जदार महिला बचत गटाची सदस्य असल्यास प्राधान्य दिले जाते.
- आवश्यक कागदपत्रे
- आधार कार्ड
- रहिवास प्रमाणपत्र
- उत्पन्नाचा दाखला
- पासपोर्ट आकाराचा फोटो अर्ज प्रक्रिया
1) ऑनलाइन अर्ज
- जिल्हा किंवा ग्रामपंचायतीच्या अधिकृत वेबसाइटवर जाऊन अर्ज सादर करता येतो.
- अर्जासोबत आवश्यक कागदपत्रे अपलोड करणे गरजेचे आहे.
2) ऑफलाइन अर्ज
- स्थानिक पंचायत कार्यालय किंवा महिला व बाल कल्याण कार्यालयातून अर्जाचे नमुने भरून सादर करता येतात.
3) सत्यापन आणि निवड प्रक्रिया
- अर्जदारांचे कागदपत्र तपासून गरजू महिलांची निवड केली जाते.
- जिल्हा समिती अंतिम लाभार्थींची यादी जाहीर करते. योजनेद्वारे मिळणारे लाभ
- पात्र महिलांना मोफत पिठाची गिरणी प्रदान केली जाते.
- महिलांना गिरणीच्या व्यवस्थापनासाठी आवश्यक तांत्रिक साहाय्य आणि प्रशिक्षण दिले जाते.
- गिरणी सुरू करण्यासाठी आर्थिक मदत आणि सहाय्य उपलब्ध होते. योजनेचे महत्त्व
- महिलांचे आर्थिक स्वावलंबन : महिलांना आर्थिकदृष्ट्या सक्षम बनवून त्यांच्या कुटुंबासाठी आधार प्रदान करणे.
- ग्रामीण विकासाला चालना : ग्रामीण भागातील महिलांना स्थानिक स्तरावर रोजगार उपलब्ध होतो.
- उत्पन्नाचे साधन : महिलांना स्वकमाईची संधी मिळते. अधिक माहितीसाठी संपर्क
- जिल्हा महिला व बाल कल्याण कार्यालय
- स्थानिक पंचायत कार्यालय
- अधिकृत सरकारी पोर्टल
महिलांनी ही योजना स्वीकारून स्वतःचा व्यवसाय सुरू करावा आणि स्वावलंबनाच्या दिशेने पाऊल उचलावे, हा सरकारचा उद्देश आहे. मोफत पिठाची गिरणी योजना ही केवळ आर्थिक मदत नसून महिलांच्या सशक्तीकरणासाठी एक महत्त्वाचा टप्पा आहे.
