नमस्कार मित्रांनो कर्मचाऱ्यांच्या तक्रारींचे निराकरण करण्यात होणारा विलंब व अलिकडच्या काही महिन्यांत क्लेम सेटलमेंट नाकारण्याची वाढती संख्या लक्षात घेऊन EPFO हे बहुभाषिक संपर्क केंद्र सुरू करण्याचा विचार करताना दिसत आहे.
कर्मचारी भविष्य निर्वाह निधी ( employees provident fund ) संघटना (EPFO) आपल्या वापरकर्त्यांना एक विशेष सुविधा देण्याची ( scheme ) योजना तयार करत आहे.
तक्रार नोंदवण्याची किंवा तक्रार निवारण यंत्रणा शोधू इच्छिणाऱ्या ग्राहकांना सिंगल-विंडो इंटरफेस प्रदान करण्याच्या उद्देशाने ते चोवीस तास बहुभाषिक “संपर्क केंद्र” स्थापन करण्याच्या दिशेने कार्य करत आहेत.
आपल्या अंदाजे सुमारे 7 कोटी सक्रिय ग्राहकांसाठी एकात्मिक कॉल सेंटर स्थापन करण्याच्या तयारीत आहे. अलीकडच्या काही महिन्यांत तक्रारींचे निराकरण करण्यात विलंब व क्लेम सेटलमेंट नाकारण्याच्या वाढत्या संख्येमुळे EPFO ने हे पाऊल उचलले आहे.
या मुद्द्यावरून कर्मचारी भविष्य निर्वाह निधी (employees provident fund ) संघटनेला सोशल मीडिया प्लॅटफॉर्मवर ( social media platform ) खूप जास्त टीकेला सामोरे जावे लागले आहे.
EPFO ने या संपर्क केंद्राच्या स्थापनेसाठी एक निविदा सुरू केली आहे, जे एका मजबूत प्रणालीसह 24×7 व 365 दिवस काम करेल. मल्टी-चॅनल (हेल्पलाइन क्रमांक, विविध कार्यालयांचे लँडलाइन फोन, नोंदणी पोर्टल, व्हॉट्सॲप, सोशल मीडिया, फिजिकल पोस्ट) द्वारे प्राप्त तक्रारी ऐकणे आणि समजून घेणे हा त्याचा मुख्य उद्देश आहे.
ईपीएफओने जारी केलेल्या निविदेत 23 भाषांचा समावेश केला आहे. यामध्ये हिंदी, इंग्रजी, आसामी, बंगाली, बोडो, डोगरी, गुजराती, कन्नड, काश्मीर, कोकणी, मैथिली, मल्याळम व इतर भाषांचा समावेश आहे. यापूर्वी, EPFO ने टोल फ्री क्रमांक (1800118005) सह हेल्पलाइन सुरू केली होती. मात्र, हा हेल्पलाइन क्रमांक बहुतांशी पोहोचू शकला नाही.
