नमस्कार महाराष्ट्र राज्य माध्यमिक व उच्च माध्यमिक शिक्षण मंडळाने (MSBSHSE) दहावी (SSC) आणि बारावी (HSC) वर्गाच्या विद्यार्थ्यांसाठी, तसेच पालक, शाळा व कर्मचाऱ्यांसाठी MSBSHSE मोबाईल ॲप विकसित केले आहे. या ॲपच्या माध्यमातून परीक्षेसंबंधी सर्व महत्त्वाची माहिती एका क्लिकवर उपलब्ध होणार आहे.
फेब्रुवारी-मार्च २०२५ परीक्षांचे वेळापत्रक जाहीर
राज्य मंडळाने २१ नोव्हेंबर २०२४ रोजी फेब्रुवारी-मार्च २०२५ च्या दहावी व बारावी परीक्षांचे अंतिम वेळापत्रक जाहीर केले आहे. विद्यार्थी अधिकृत संकेतस्थळ http://www.mahahsscboard.in किंवा ॲपद्वारे वेळापत्रक तपासू शकतात.
ॲपची मुख्य वैशिष्ट्ये
1) हे ॲप Google Play Store वर विनामूल्य उपलब्ध आहे.
2) विद्यार्थी शाळा व कर्मचाऱ्यांसाठी स्वतंत्र लॉगिनची सुविधा.
3) महत्त्वाची माहिती
- वेळापत्रक
- नमुना प्रश्नपत्रिका
- निकाल
- तातडीच्या सूचना व परिपत्रके
4) शाळांसाठी सोई
- फी परताव्यासाठी सुविधा
- अंतर्गत व प्रात्यक्षिक गुण नोंदणी पर्याय
5) सर्वसामान्य उपयोगासाठी लॉगिनशिवाय अपडेट माहिती पाहता येते.
वीद्यार्थ्यांसाठी विशेष सोयी
- परीक्षा तयारीसाठी नमुना प्रश्नपत्रिका उपलब्ध.
- विद्यार्थ्यांना शाळा किंवा मंडळाच्या कार्यालयात जाण्याची गरज राहणार नाही.
- गणित आणि विज्ञान विषयांमध्ये यंदा जुनेच निकष लागू राहतील.
कोल्हापूर विभागीय अध्यक्ष राजेश क्षीरसागर यांचे मत
हे ॲप विद्यार्थ्यांना फक्त वेळापत्रक देत नाही, तर परीक्षेसंबंधी आवश्यक सर्व माहिती एका क्लिकवर उपलब्ध करून देते, असे राजेश क्षीरसागर यांनी सांगितले.
असे डाऊनलोड कराल?
1) Google Play Store वर MSBSHSE शोधा.
2) ॲप डाउनलोड करा आणि तुमच्या वर्गानुसार लॉगिन करा.
3) वेळापत्रक व इतर सुविधा वापरा.
नवीन युगाची सुरुवात
हे ॲप डिजिटल युगातील शिक्षणाचा उत्तम नमुना ठरत आहे. विद्यार्थ्यांसोबतच पालक व शिक्षकांसाठीही हे ॲप उपयुक्त ठरणार आहे. महाराष्ट्र बोर्डाने या ॲपच्या माध्यमातून शिक्षणप्रक्रियेत सुलभता आणि पारदर्शकता आणली आहे. MSBSHSE ॲपमुळे परीक्षा आणि शैक्षणिक प्रक्रियेत एका नव्या पर्वाची सुरुवात झाली आहे.
