नमस्कार आजच्या कापूस बाजारभावात मोठ्या प्रमाणात चढ-उतार दिसत नाहीत. सध्याच्या ट्रेंडनुसार, महाराष्ट्रातील कापसाचे दर सुमारे 7,000 ते 8,500 रुपये प्रति क्विंटलच्या दरम्यान राहण्याची अपेक्षा आहे. कृषी विभागाने ठरवलेल्या हमीभावानुसार, मध्यम धाग्याच्या कापसासाठी 7,121 रुपये आणि लांब धाग्याच्या कापसासाठी 7,521 रुपये प्रति क्विंटल असा दर निश्चित केला आहे.
ऑक्टोबर ते डिसेंबरच्या काळात मागणी आणि पुरवठ्याच्या स्थितीनुसार भावात आणखी काही चढ-उतार होण्याची शक्यता वर्तवली जात आहे. बाजारातील अस्थिरता पाहता, शेतकऱ्यांनी माल विक्रीसाठी योग्य वेळ निवडण्याची गरज आहे.
नोव्हेंबर 2024 मध्ये कापसाच्या किमती वाढण्याची शक्यता आहे, परंतु ही वाढ काही प्रमुख घटकांवर अवलंबून असेल. महाराष्ट्र आणि गुजरातमधील प्रमुख कापूस उत्पादक भागांमध्ये पावसामुळे झालेल्या पिकाच्या नुकसानीमुळे कापसाची आवक उशिरा सुरू होईल. याचा परिणाम म्हणून, किमतींमध्ये दबाव निर्माण होऊन किंमती वाढू शकतात.
यावर्षी कापसाचे उत्पादन व लागवड कमी झाली असून लागवड अंदाजे 10% घटली आहे. त्यामुळे पुरवठा मर्यादित राहील, ज्याचा थेट परिणाम बाजारभावावर होईल. तसेच निर्यातीच्या वाढीमुळे भारतीय कापसाला आंतरराष्ट्रीय बाजारपेठेत मागणी वाढल्याने चांगला दर मिळण्याची शक्यता आहे.
सर्वसाधारणपणे बाजारभाव 7,000 ते 8,000 रुपये प्रति क्विंटलच्या दरम्यान राहण्याचा अंदाज आहे. जर नव्या हंगामात पाऊस अनुकूल राहून आवक वाढली, तर किंमती स्थिर राहतील किंवा किंचित कमी होऊ शकतात.
