मित्रांनो भारत संचार निगम लिमिटेड (BSNL) ही भारतातील एकमेव सरकारी दूरसंचार सेवा पुरवणारी कंपनी आहे. ही कंपनी आपल्या किफायतशीर रिचार्ज प्लॅन्ससाठी ग्राहकांमध्ये विशेषता लोकप्रिय आहे. सध्या बीएसएनएलने आपल्या युजर्ससाठी मदर्स डेच्या निमित्ताने एक खास ऑफर जाहीर केली आहे. या ऑफरअंतर्गत बीएसएनएलने तीन प्रमुख रिचार्ज प्लॅन्सच्या किंमतीत कपात केली असून, ग्राहकांना हे प्लॅन्स सवलतीच्या दरात उपलब्ध होणार आहेत.
बीएसएनएलने सोशल मीडिया प्लॅटफॉर्म ‘एक्स’ (माजी ट्विटर) वर ही माहिती शेअर केली आहे. ही खास ऑफर ७ मे २०२५ पासून १४ मे २०२५ पर्यंत उपलब्ध असणार आहे. या कालावधीत बीएसएनएल आपल्या तीन रिचार्ज प्लॅन्सवर ५ टक्के सूट देत आहे, ज्यामुळे ग्राहकांना हे प्लॅन्स अधिक स्वस्त दरात मिळणार आहेत.
या सवलतीमध्ये बीएसएनएलचा २३९९ रुपयांचा प्लॅन आता २२७९ रुपयांमध्ये उपलब्ध झाला आहे. या प्लॅनमध्ये ३९५ दिवसांसाठी दररोज २ जीबी डेटा, अनलिमिटेड कॉलिंग आणि १०० फ्री एसएमएसचा लाभ मिळतो. दुसरा प्लॅन, जो पूर्वी ९९७ रुपयांचा होता, तो आता ९४७ रुपयांमध्ये मिळत आहे.
यामध्ये १६० दिवसांसाठी दररोज २ जीबी डेटा, अनलिमिटेड कॉलिंग आणि १०० फ्री एसएमएसचा समावेश आहे. तिसरा आणि शेवटचा प्लॅन ५९९ रुपयांचा होता, जो आता ५६९ रुपयांमध्ये उपलब्ध आहे. या प्लॅनमध्ये ८४ दिवसांसाठी दररोज ३ जीबी डेटा, अनलिमिटेड कॉलिंग आणि १०० फ्री एसएमएस दिले जातात.
ही ऑफर मर्यादित काळासाठी असल्यामुळे बीएसएनएलचे ग्राहक या संधीचा लाभ लवकरात लवकर घेऊ शकतात.