मंडळी महाराष्ट्र सरकारनं शेतकऱ्यांसाठी वेगवेगळ्या कृषी योजना आणल्या आहेत. आता या योजनांचा लाभ घेणं खूपच सोपं आणि पारदर्शक झालं आहे. महाडीबीटी (MahaDBT) नावाच्या वेबसाईटवरून शेतकरी घरबसल्या ऑनलाइन अर्ज करू शकतात आणि अनुदान मिळवू शकतात.
महाडीबीटी म्हणजे काय?
महाडीबीटी ही सरकारची एक वेबसाइट आहे, जिथे शेतकऱ्यांसाठी केंद्र आणि राज्य सरकारच्या योजना एकत्र आणल्या आहेत. या पोर्टलवर अर्ज केल्यावर त्याची माहिती आणि स्थिती पाहता येते. सर्व अपडेट्स मोबाईलवर SMS आणि ईमेलने मिळतात. अनुदान थेट शेतकऱ्याच्या बँक खात्यात जमा केलं जातं.
अर्ज करण्यासाठी काय करावं लागतं?
1) महाडीबीटी पोर्टलवर जा —https://mahadbt.maharashtra.gov.in/farmer/login
2) तुमचं नाव, मोबाईल नंबर, आधार क्रमांक इत्यादी भरून नोंदणी करा.
3) हवी असलेली योजना निवडा.
4) लागणारी कागदपत्रं अपलोड करा.
5) अर्ज सबमिट करा आणि त्याची स्थिती वेळोवेळी तपासा.
अर्ज करताना लक्षात ठेवायच्या गोष्टी
- प्रत्येक योजनेची काही अटी असतात. त्या पूर्ण करणे आवश्यक आहे.
- अर्ज मंजूर झाल्यावर लॉटरी पद्धतीने लाभार्थी निवडले जातात.
- निवड झाल्यानंतर १० दिवसांत कागदपत्रं अपलोड करा आणि ३० दिवसांत खरेदी प्रक्रिया पूर्ण करा.
- खात्री झाल्यानंतर अनुदान थेट बँकेत जमा होईल. कोणकोणत्या योजना आहेत?
1) प्रधानमंत्री कृषी सिंचन योजना
2) मुख्यमंत्री शाश्वत सिंचन योजना
3) कृषी यंत्रसामग्री अनुदान योजना
4) अन्न सुरक्षा अभियान
5) फलोत्पादन योजना
6) भाऊसाहेब फुंडकर फळबाग लागवड योजना
या योजनांमध्ये २५% ते १००% पर्यंत अनुदान मिळू शकतं.
शेतकऱ्यांनी वेळेवर आणि अचूक माहिती भरून अर्ज केला तर योजनांचा फायदा नक्कीच होतो.
