मंडळी प्रत्येक व्यक्तीला नोकरी करत असतानाच त्याच्या निवृत्तीसाठी योग्य नियोजन करणे आवश्यक असते, पण बहुतेक लोक आर्थिक अडचणींमुळे हे करु शकत नाहीत. आजकाल, लोक म्युच्युअल फंड गुंतवणुकीमध्ये सक्रिय होऊन त्यांच्या उत्पन्नाचा काही भाग गुंतवत आहेत. परंतु हे गुंतवणूक शेअर बाजाराशी संबंधित असल्याने धोकादायक ठरू शकते. आज आम्ही तुम्हाला एक अशी निवृत्ती योजना सांगणार आहोत, जिथे नियमित उत्पन्नाची हमी मिळते आणि तुम्हाला दरमहा किंवा सहामाही पैसे जमा करण्याची आवश्यकता नाही. एकदाच पैसे गुंतवून तुम्ही मोठी पेन्शन मिळवू शकता.
ही योजना भारतीय जीवन विमा महामंडळ (एलआयसी) द्वारा चालवली जाते आणि याला एलआयसी न्यू जीवन शांती पॉलिसी (LIC New Jeevan Shanti Plan) म्हणतात. या योजनेची खास गोष्ट म्हणजे तुम्हाला एकदाच पैसे गुंतवून आयुष्यभर पेन्शन मिळते, ज्यामध्ये तुमचे पैसे देखील सुरक्षित असतात.
आयुष्यभर पेन्शन
एलआयसीकडे सर्व वयोगटातील लोकांसाठी अनेक निवृत्ती पॉलिसी आहेत. त्यातील एलआयसी न्यू जीवन शांती योजना ही एक प्रसिद्ध योजना आहे, जी निवृत्तीनंतर आर्थिक सुरक्षा सुनिश्चित करते. या योजनेअंतर्गत, तुम्हाला एकदाच प्रीमियम भरावा लागतो आणि तुम्हाला आयुष्यभर नियमित पेन्शन मिळते. समजा या योजनेत तुम्हाला दरवर्षी ₹1,00,000 पेन्शन मिळू शकते.
पॉलिसी कोण घेऊ शकते?
एलआयसी न्यू जीवन शांती योजना घेण्यासाठी वय 30 ते 79 वर्षे असलेले लोक पात्र आहेत. या योजनेसाठी दोन पर्याय उपलब्ध आहेत.
1) सिंगल लाइफ डिफर्ड अ न्यूटी
2) जॉइंट लाइफ डिफर्ड अ न्यूटी
तुम्ही या योजनेत एकट्याने किंवा एकत्रितपणे गुंतवणूक करू शकता.
पेन्शन कसे मिळवायचे?
एलआयसी न्यू जीवन शांती योजना एक वार्षिकी योजना आहे, ज्यामध्ये तुम्ही तुमच्या पेन्शन मर्यादा ठरवू शकतो. जर तुमचे वय 55 वर्षे असेल आणि तुम्ही ₹11 लाख गुंतवले, तर तुम्हाला 60 वर्षांनंतर दरवर्षी ₹1,02,850 पेन्शन मिळेल. तुम्ही ते सहामाही किंवा मासिक पेन्शन म्हणून देखील घेऊ शकता.
किती पेन्शन मिळेल?
समजा ₹11 लाखच्या गुंतवणुकीवर तुम्हाला दरवर्षी ₹1,00,000 पेन्शन मिळेल. जर तुम्ही ती सहामाही पेन्शन म्हणून घेतली, तर तुम्हाला ₹50,365 मिळतील. मासिक पेन्शन घेणाऱ्याला ₹8,217 मिळतील.
पेन्शनसह इतर फायदे
या पॉलिसीमध्ये नियमित पेन्शनसह इतर फायदे देखील आहेत, ज्यामध्ये मृत्यू कव्हर समाविष्ट आहे. पॉलिसीधारकाचा मृत्यू झाल्यास, त्याच्या खात्यातील रक्कम नामनिर्देशित व्यक्तीला दिली जाते. ₹11 लाख गुंतवणुकीवर नामनिर्देशित व्यक्तीला ₹12,10,000 मिळतील. या योजनेत किमान ₹1.5 लाख गुंतवणूक करणे आवश्यक आहे आणि त्यात कमाल मर्यादा नाही.
